’را‘ ایجنٹوں کو رقوم فراہم کرنے والا نجی منی ایکسچینج کمپنی کا منیجر گرفتار

یاسین کو کراچی کے علاقے صدر سے حراست میں لیا گیا ہے

ویب ڈیسک July 17, 2020

ملزم کے قبضے سے اسلحہ اور دستی بم بھی برآمد کیا گیا ہے، سی ٹی ڈی فوٹو: فائل یاسین کی گرفتاری پہلے سے پکڑے گئے ملزمان کی نشاندہی پر کی گئی ہے، ایف آئی اے فوٹو: فائل

JAKARTA, INDONESIA: ایف آئی اے حکام نے نجی منی ایکسچینج کمپنی کے منیجر کو حوالہ ہنڈی کے خفیہ نیٹ ورک کے ذریعے بھارتی خفیہ ایجنسی 'را' کے ایجنٹوں کو رقم فراہم کرنے کے الزام میں گرفتار کیا ہے۔

ایکسپریس نیوز کے مطابق ایف آئی اے کے انسدادِ دہشت گردی ونگ نے کراچی کے علاقے صدر سے یاسین نامی شخص کو حراست میں لے لیا ہے۔ ملزم منی ایکسچینج کمپنی کا منیجر ہے اور اس کی گرفتاری پہلے سے پکڑے گئے ملزمان کی نشاندہی پر کی گئی ہے۔ اس کے قبضے سے لیپ ٹاپ اور موبائل فون برآمد ہوا ہے۔

ایف آئی اے حکام کا کہنا ہے کہ ملزم یاسین حوالہ ہنڈی کے بین الاقوامی خفیہ نیٹ ورک کے ساتھ منسلک تھا اور کراچی میں مبینہ طور پر بھارتی خفیہ ایجنسی 'را' کے ایجنٹوں کو بھجوائی گئی رقوم تقسیم کرتا رہا ہے۔

واضح رہے کہ چند روز قبل بھی ایف آئی اے نے 'را' سے تعلق کے الزام میں کراچی سے 3 افراد کو حراست میں لیا تھا۔ جن کی شناخت ظفر خان، سفیان اور جاوید میمن کے نام سے ظاہر کی گئی تھی۔