پاکستان کے 4 روزہ پریکٹس میچ کیلیے ٹیموں کا اعلان

انگلینڈ کیخلاف سیریز کی تیاریوں میں مصروف قومی اسکواڈ کا یہ پہلا 4 روزہ پریکٹس میچ ہوگا

Abbas Raza July 17, 2020

انگلینڈ کیخلاف سیریز کی تیاریوں میں مصروف قومی اسکواڈ کا یہ پہلا 4 روزہ پریکٹس میچ ہوگا

پاکستان کے پہلے 4 روزہ انٹرا اسکواڈ پریکٹس میچ کیلیے ٹیموں کا اعلان کردیا گیا۔

انگلینڈ کے خلاف سیریز کی تیاریوں کے سلسلے میں ڈربی میں موجود قومی اسکواڈ کے درمیان پہلا انٹرا اسکواڈ پریکٹس میچ آج سے 20 جولائی تک جاری رہے گا۔ پاکستان اور انگلینڈ کے درمیان تین ٹیسٹ اور تین ٹی ٹونٹی میچوں پر مشتمل سیریز پانچ اگست سے شروع ہوگی۔

سیریز کی تیاریوں کے سلسلے میں مصروف قومی اسکواڈ کا یہ انگلینڈ میں پہلا انٹرا اسکواڈ 4 روزہ پریکٹس میچ ہوگا۔ اس سے قبل وورسٹر میں اپنی قرنطینہ کی مدت مکمل کرنے والے قومی اسکواڈ نے وہاں دو ، 2 روزہ پریکٹس میچز کھیلے تھے۔ دونوں ٹیموں کے درمیان پریکٹس میچ مقامی وقت کے مطابق صبح 11 بجے شروع ہوگا۔

ڈربی شائر کاؤنٹی گراؤنڈمیں ٹیم گرین اور ٹیم وائیٹ کے درمیان کھیلے جانے والے چار روزہ پریکٹس میچ کے لیے دونوں اسکواڈز کا اعلان کردیا گیا ہے۔ انٹرا اسکواڈ پریکٹس میچ میں شامل دونوں ٹیموں کے اسکواڈز مندرجہ ذیل ہیں:

Four-Day intra-squad match to start today

Mach Updates 👉 @TheRealPCB_Live

Details 👉 https://t.co/RCOr1su47Y pic.twitter.com/bm6cSgXd3E
— Pakistan Cricket (@TheRealPCB) July 17, 2020

ٹیم گرین:

اظہر علی (کپتان)، عابد علی، فخر زمان، اسد شفیق، افتخار احمد، سرفراز احمد (وکٹ کیپر)، فہیم اشرف، یاسر شاہ، نسیم شاہ، محمد عباس، وہاب ریاض اور عمران خان (بارہویں کھلاڑی)

ٹیم وائٹ:

بابر اعظم (کپتان)، شان مسعود، امام الحق، فواد عالم، محمد رضوان (وکٹ کیپر)، شاداب خان، شاہین شاہ آفریدی، سہیل خان، محمد موسیٰ، عثمان خان شنواری، حیدر علی اورکاشف بھٹی(بارہویں کھلاڑی)۔

واضح رہے دونوں اسکواڈز میں شامل بارہویں کھلاڑی کو میچ میں باؤلنگ کی اجازت ہوگی۔