سعودی فرماں روا شاہ سلمان بن عبدالعزیز اسپتال منتقل

شاہ سلمان بن عبدالعزیز کو مثانے میں سوزش کی وجہ سے دارالحکومت ریاض کے اسپتال میں داخل کیا گیا ہے، عرب میڈیا

ویب ڈیسک July 20, 2020

سعودی فرماں روا شاہ سلمان بن عبدالعزیز کو مثانے میں سوزش کی وجہ سے ریاض کے اسپتال منتقل کیا گیا، عرب میڈیا۔ فوٹو : فائل

SKARDU: سعودی فرماں روا شاہ سلمان بن عبدالعزیز کو طبیعت ناساز ہونے پر اسپتال منتقل کردیاگیا۔

سعودی رائل کورٹ کی جانب سے جاری بیان میں بتایا گیا ہے کہ سعودی فرماں روا شاہ سلمان بن عبدالعزیز کی طبیعت ناساز ہونے پر دارالحکومت ریاض کے اسپتال منتقل کردیا گیا ہے، شاہ سلمان کو مثانے میں سوزش کی وجہ سے اسپتال منتقل کیا گیا تاہم ان کے مزید میڈیکل ٹیسٹ بھی کیے جارہے ہیں۔

دوسری جانب وزیراعظم عمران خان نے سعودی فرماں روا شاہ سلمان بن عبد العزیز کے اسپتال داخل ہونے پر تشویش کا اظہار کرتے ہوئے کہا کہ پاکستان کی حکومت عوام، اور میں خود شاہ سلمان کی جلد صحت یابی کے لیے دعاگو ہوں، ہم شاہ سلمان بن عبدالعزیز کی صحت و سلامتی اور لمبی زندگی کی دعا کرتے ہیں۔