پاکستانی اداکاروگلوکارعلی ظفر ایشیا کے سب سے ’’پرکشش ترین مرد‘‘ قرار

علی ظفر نے ہریتھک روشن کو پیچھے چھوڑتے ہوئے جاذب نظر مرد کا اعزاز حاصل کیا ہے، فوٹو: فائل

---

BEIJING: پاکستانی پاپ گلوکار اور کئی بھارتی فلموں میں اپنی اداکاری کے جوہر دکھانے والے فنکار علی ظفر ایشیا کے سب سے پرکشش ترین مرد قرار پائے ہیں۔

برطانوی جریدے ''ایسٹرن آئی'' کی جانب سے کرائے گئے سالانہ سروے کے مطابق علی ظفر رواں برس 50 پرکشش ایشیائی مردوں میں سر فہرست رہے ہیں جبکہ دوسرے نمبر پر بھارتی اداکار ہریتھک روشن رہے ہیں جو گزشتہ دو برسوں سے یہ اعزاز اپنے نام کررہے تھے، رواں برس کی جاذب نظر مردوں کی فہرست میں تیسرا نمبر بھارتی ٹی وی اسٹار بارن سوبتی کا رہا جو گزشتہ برس ساتویں نمبر پر تھے۔ اس کے علاوہ شاہد کپور چوتھے، سلمان خان پانچویں، رنبیر کپور چھٹے جبکہ شاہ رخ خان کا 14واں نمبر ہے۔

سروے کے تحت رواں برس پرکشش مردوں کی فہسرت میں بھارتی ٹی وی اسٹارز کی بڑی تعداد بھی شامل ہوئی ہے جن میں کوشال ٹنڈن، گوریت، چوہدری، کرن سنگھ گروور ، ریتھویک دھنجانی، سلمان یوسف خان، گوتم روڑ، ویویان ڈی سینا ، اعجاز خان اور کرن واہی شامل ہیں۔