قومی اسمبلی میں قائد حزب خورشید شاہ پبلک اکاؤنٹس کمیٹی کے متفقہ چیرمین منتخب

کوشش ہوگی کمیٹی کو غیرجانبدارانہ طریقے سے چلاتے ہوئے اداروں میں کرپشن کا خاتمہ کیا جاسکے،خورشید شاہ ، فوٹو: فائل

---

KARACHI: قومی اسمبلی میں قائد حزب خورشید شاہ کو پبلک اکاؤنٹس کمیٹی کے متفقہ چیرمین منتخب کرلیا گیا ہے۔

پارلیمنٹ ہاؤس اسلام آباد مین پبلک اکاؤنٹس کمیٹی کا اجلاس ہوا جس میں چیئرمین کے لئے محمود بشیر ورک نے خورشید شاہ کو نامزد کیا جس کی تمام ارکان نے حمایت کی۔ اس موقع پر خورشید شاہ کا کہنا تھا کہ وہ پبلک اکاؤنٹس کمیٹی کے ارکان کے شکرگزار ہیں جنہوں نے انہیں یہ ذمہ داری سونپی، ان کی کوشش ہوگی کہ کمیٹی کو غیرجانبدارانہ طریقے سے چلاتے ہوئے ملکی اداروں میں کرپشن کا خاتمہ کیا جاسکے۔

واضح رہے کہ پیپلز پارٹی اور مسلم لیگ (ن) کے درمیان 2007 میں طے پانے والے ''میثاق جمہوریت'' کے مطابق پبلک اکاؤنٹس کمیٹی کی سربراہی قومی اسمبلی میں قائد حزب اختلاف کو دی جائے گی، اسی کے تحت پیپلز پارٹی نے اپنے دور حکومت میں پی اے سی کی سربراہی چوہدری نثار علی خان کو سونپی تھی۔