شاہد اور ہریتک مجھ سے بہتر ’’ٹیپ ڈانس‘‘ کرسکتے ہیں عامر خان

UBAURO:
عامر خان نے کہا کہ شاہد کپور اور ہریتک روشن ''ٹیپ ڈانسنگ'' ان سے زیادہ بہتر کر سکتے ہیں ۔

ایک انٹرویوکے دوران عامر خان کا کہنا تھا کہ وہ ایک ماہ سے ٹیپ ڈانسنگ کی تربیت لے رہے ہیں لیکن ان کے خیال میں شاہد کپور اور ہریتک روشن ان سے بہترین یہ رقص کرنے کی اہلیت رکھتے ہیں ۔ایک سوال کے جواب میں عامر کا اپنی نئی فلم ''دھوم 3- ' کے حوالے سے کہناتھا کہ یہ فلم مداحوں کے لیے مکمل انٹرٹینمنٹ پیکیج ہے وہ اس موقع پر آنجہانی فلمساز یش چوپڑا کو بہت یاد کررہے ہیں وہ ہمارے درمیان موجود ہوتے تو تالیوں سے داد دیتے۔ ان کی کمی انھیں ہر مرحلے پر محسوس ہوئی۔




ادھر آن لائن کے مطابق عامر خان نے کہا ہے کہ بگ باس سیون میں سلمان خان کی فلم دھوم تھری کی پروموشن سے بہت مزہ آیا بگ باس میں سلمان خان کا اپنی فلم کی پروموشن کے لیے بھیجی گئی شرٹ پہننا مجھے بہت ہی اچھا لگا انھوں نے کہا کہ اگرچہ سلمان ایک بہت ہی طاقتور اسٹار ہے اور انھیں کسی کی معاونت کی ضرورت نہیں ہوتی تاہم میں اگر سلمان کے لیے کچھ کرسکوں تو مجھے بہت خوشی ہوگی۔