اس ٹچ اسکرین کو ’ٹچ‘ کرنے کی کوئی ضرورت نہیں


اس جدید ترین ٹچ لیس اسکرین کو ’پریڈکٹیو ٹچ‘ کا نام بھی دیا گیا ہے۔ (فوٹو: کیمبرج یونیورسٹی ویڈیو اسکرین گریب)
موبائل ایپس میں 'پریڈکٹیو ٹائپنگ' کی طرز پر اس جدید ترین ٹچ اسکرین کو 'پریڈکٹیو ٹچ' کا نام دیا گیا ہے کیونکہ اس کا نظام مصنوعی ذہانت سے لیس ہے جو انگلی کی اسکرین سے قربت کو محسوس کرتے ہوئے خود ہی فوری طور پر یہ اندازہ لگا لیتا ہے کہ صارف (استعمال کرنے والا) کس جگہ چھو کر کیا ہدایت دینا چاہتا ہے۔
https://www.youtube.com/watch?v=ODFxKRNB55E
اس کا ایک اور نام ''نو ٹچ، ٹچ اسکرین'' (ایسی ٹچ اسکرین جسے چھونے کی ضرورت نہ پڑے) بھی رکھا گیا ہے۔ اسے تیار کرنے والے ماہرین کا کہنا ہے کہ ناول کورونا وائرس کی حالیہ وبا میں اس طرح کے ٹچ اسکرینز بیماری کا پھیلاؤ روکنے میں مددگار ثابت ہوسکتے ہیں۔