صبا قمر اور بلال سعید نے شادی کرلی ؟

ویب ڈیسک  اتوار 2 اگست 2020
دونوں نے انسٹاگرام پوسٹ میں ایک دوسرے کو لکھا ’’ قبول ہے ‘‘ ۔ فوٹو : فائل

دونوں نے انسٹاگرام پوسٹ میں ایک دوسرے کو لکھا ’’ قبول ہے ‘‘ ۔ فوٹو : فائل

معروف اداکارہ صبا قمر نے انسٹاگرام میں کی گئی ایک مبہم پوسٹ میں بلال سعید کو ’’ قبول ہے ‘‘ لکھ کر مداحوں کو خوشگوار حیرت میں مبتلا کردیا اور سوشل میڈیا پر صبا قمر اور بلال سعید کی شادی کی خبریں گردش کرنے لگیں۔

سماجی رابطے کی ویب سائٹ انسٹاگرام پر معروف اداکارہ صبا قمر نے گلوکار بلال سعید کے ساتھ ایک تصویر شیئر کی جس کا غیر واضح کیپشن ’’ قبول ہے ‘‘ لکھ کر مداحوں کو حیرت میں مبتلا کردیا اور سونے پر سہاگہ بلال سعید نے بھی اسی تصویر کے ساتھ جواباً ’’ قبول ہے‘‘ لکھا جس سے مداحوں کو لگا کہ دونوں اسٹارز شادی کر رہے ہیں۔

View this post on Instagram

Qubool hai @bilalsaeed_music

A post shared by (@sabaqamarzaman) on

شوبز ستاروں کی پوسٹیں وائرل ہونے کے بعد مداحوں نے دونوں کی مبہم پوسٹ پر مبارکبادیں دینا شروع کردیں یہاں تک کہ ماڈل نازیہ حسین نے بھی صبا قمر کو شادی کی مبارک باد دیتے ہوئے لکھا کہ امید ہے میں غلط نہیں سمجھ رہی ہوں گی۔

مداحوں کی جانب سے مبارکبادیں وصول کرنے کے بعد صبا قمر نے وضاحتی پوسٹ میں لکھا کہ گلوکار بلال سعید کے ایک گانے کے لیے وہ ہدایت کاری کر رہی ہیں اور پوسٹ میں موجود تصویر بھی اسی میوزک ویڈیو کی ہے یہ گانا جلد ریلیز کیا جائے گا۔

View this post on Instagram

Qubool hai @sabaqamarzaman

A post shared by Bilal Saeed (@bilalsaeed_music) on

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔