بھارتی ناری سب پر بھاری کبڈی ورلڈ کپ کی چیمپئن کا اعزاز حاصل کرلیا

تیسری اور چوتھی پوزیشن کے لئے ہونے والے مقابلے میں ڈنمارک نے سنسنی خیز مقابلے کے بعد پاکستانی کڑیوں کو 34-33 سے ہرادیا۔ فوٹو: فائل

---

بھارت کی ویمنز ٹیم نے کبڈی ورلڈ کپ کا فائنل جیت کر عالمی چیمپیئن بننے کا اعزاز حاصل کرلیا جبکہ پاکستانی ٹیم چوتھی پوزیشن ہی حاصل کرپائی۔

بھارتی پنجاب کے شہر بھٹنڈا میں کھیلے گئے ویمنز کے فائنل مقابلے میں بھارتی ٹیم کا مقابلہ نیوزی لینڈ سے تھا جس میں بھارتی خواتین نیوزی لینڈ کی گوریوں کو پچھاڑتی رہیں اور مقابلہ 21 کے مقابلے میں 49 پوائنٹس سے جیت کر کبڈی ورلڈ کپ کا ٹائٹل اپنے نام کرلیا۔

اس سے قبل تیسری اور چوتھی پوزیشن کے لئے پاکستانی ویمنز ٹیم کا ڈنمارک کی خواتین سے مقابلہ ہوا جس میں ڈنمارک نے سنسنی خیز مقابلے کے بعد پاکستانی کڑیوں کو 33-34 سے ہرادیا اور ورلڈ کپ میں تیسری پوزیشن حاصل کرلی۔

واضح رہے کہ کبڈی ورلڈ کپ کے مردوں کے فائنل میں پاکستان 14 دسمبر کو روایتی حریف بھارت سے ٹکرائے گا جبکہ اختتامی تقریب کے مہمان خصوصی پاکستانی پنجاب کے وزیر اعلیٰ شہباز شریف ہوں گے۔