کورونا کے دوران بیرون ممالک میں پھنسے پاکستانیوں کی واپسی کا آپریشن مکمل

کورونا کے دوران بیرون ممالک میں پھنسے پاکستانیوں کی واپسی کا آپریشن مکمل ہوگیا ہے۔

کرائسزمینجمنٹ یونٹ کی جانب سے جاری کردہ تفصیلات کے مطابق کورونا کے دوران بیرون ممالک میں پھنسے پاکستانیوں کی واپسی کا آپریشن مکمل ہوگیا ہے۔ دنیا بھرسے 3 لاکھ 4 ہزارسے زائد پاکستانی وطن واپس پہنچے جن میں 4 ہزار329 پاکستانی زمینی راستوں کے ذریعے وطن واپس پہنچے۔


خصوصی فلائٹس کے ذریعے 2 ہزارتبلیغی افراد 1326 زائرین سمیت بیرون ملک جیلوں میں قید 1745 پاکستانیوں کی خصوصی فلائٹ آپریشن کے تحت واپسی ہوئی۔

دستاویز کے مطابق یواے ای سے 1 لاکھ 54 ہزار سے زائد پاکستانی، سعودی عرب سے 63595، قطر سے 17 ہزار، اومان سے 11729,بحرین سے 4469ترکی سے 6339، برطانیہ سے 7122 امریکا سے 1702 چین سے 25250، کویت سے 2314، اور کرغزستان سے 8110 پاکستانیوں کو وطن واپس لایا گیا۔

دستاویزکے مطابق افغانستان سے 4098 ایران سے 1080، بھارت سے418، افغانستان سے2987 اورایران سے 924 پاکستانیوں کی زمینی راستے سے واپسی ہوئی۔