شاہ رخ ’’دھوم 4‘‘ کیلیے بالکل فٹ ثابت ہونگے عامر خان

بالی ووڈ سپر اسٹار عامر خان نے کہا ہے کہ ان کے نزدیک شاہ رخ خان فلم ''دھوم 4'' کے لیے بہترین ثابت ہوں گے.


میڈیا سے گفتگو کرتے ہوئے انھوں نے کہا کہ اگر آدیتہ چوپڑا دھوم فور کے لیے شاہ رخ خان کو لینے کا سوچ رہے ہیں تو یقینا ان کا انتخاب بالکل درست ہوگا۔ انھوں نے کہا کہ شاہ رخ خان اس فلم میں بالکل فٹ ثابت ہوں گے۔ دریں اثنا عامر خان نے کرسمس کے موقع پر ریلیز ہونے والی اپنی فلم دھوم 3 کی تشہیری مہم کے دوران صحافیوں سے گفتگو کرتے ہوئے کہا کہ فلم بینوں کو دھوم تھری کا ہر سین مدتوں یاد رہے گا۔ ینگ بچن نے بھی دھوم تھری کے مسلسل تیسرے حصے میں کام کرنے کے تجربے کو یادگار قرار دیا۔