سپریم کورٹ نے وزارت اطلاعات کے خفیہ فنڈز منجمد کرنے کا حکم جاری کر دیا

جسٹس خلجی عارف نے اپنے ریمارکس میں کہا کہ وزارت اطلاعات کو خفیہ فنڈز کی کیا ضرورت ہے اس کے فنڈز تو کسی سے بھی پوشیدہ نہیں ہونے چاہیئں۔ فوٹو: اے ایف پی/ فائل

---

KARACHI: سپریم کورٹ کوئٹہ رجسٹری نے وزارت اطلاعات کے خفیہ فنڈز منجمد کرنے کا حکم جاری کردیا۔

جسٹس جوادایس خواجہ اورجسٹس خلجی عارف پرمشتمل 2رکنی بینچ نے حامد میراورابصارعالم کی جانب سے دائر کی گئی درخواست کے کیس کی سماعت کی۔

جسٹس خلجی عارف نے اپنے ریمارکس میں کہا کہ وزارت اطلاعات کو خفیہ فنڈز کی کیا ضرورت ہے اس کے فنڈز تو کسی سے بھی پوشیدہ نہیں ہونے چاہیئں۔

سماعت کے دوران حامد میر اور ابصار عالم نے عدالت کو بتایا تھا کہ گزشتہ سال وزارت اطلاعات کے خفیہ فنڈزجو2 ارب روپے 14کروڑ روپے تھے اسے بڑھا کر4ارب روپے کردیا گیا ہے۔

عدالت نے کہا کہ وزارت اطلاعات کی جانب سے اس حوالے سے ابھی تک کوئی جواب جمع نہیں کرایا گیا اسی لئے عبوری حکم جاری کیاجارہا ہے۔

حامد میراورابصارعالم نے درخواست میں سپریم کورٹ سے استدعا کی تھی کہ ٹی وی چینلز، اینکر پرسنز اور ایڈورٹائزنگ ایجنسیز کی آمدنی کی جانچ پڑتال کے لئے بھی ایک کمیشن قائم کیا جائے۔