وزیراعظم 13 اگست کو پشاور بی آر ٹی کا افتتاح کریں گے وزیراعلیٰ خیبرپختون خوا

گورنرسندھ عمران اسماعیل بھی بی آر ٹی کی افتتاحی تقریب میں شرکت کریں گے۔ فوٹو : فائل

---

وزیراعلیٰ خیبرپختون خوا محمود خان کا کہنا ہے کہ 13 اگست کو وزیر اعظم عمران خان بی آر ٹی کا افتتاح کریں گے۔

ایکسپریس نیوز کے مطابق گورنرسندھ عمران اسماعیل کو وزیراعلیٰ خیبر پختونخوا محمود خان نے ٹیلی فون کیا، محمود خان نے گورنر سندھ کو بتایا کہ وزیراعظم پاکستان عمران خان 13 اگست کو پشاور بی آر ٹی کا افتتاح کریں گے، اور ہماری خواہش ہے کہ گورنرسندھ عمران اسماعیل بھی تاریخی افتتاحی تقریب میں شرکت کریں۔

ذرائع کے مطابق گورنرسندھ عمران اسماعیل نے وزیراعلیٰ خیبر پختونخوا کی دعوت قبول کرلی اور کہا کہ بی آر ٹی کی افتتاحی تقریب میں شرکت میرے لئے باعث اعزاز ہے، 13اگست کو وزیر اعظم کے ہمراہ بی آر ٹی کی افتتاحی تقریب میں ضرور شرکت کروں گا۔