بھارت میں بیٹے نے خراّٹے لینے پر بوڑھے باپ کو قتل کردیا

رات کے وقت 65 سالہ سوتے ہوئے باپ پر سلاخوں سے وار کردیے

ویب ڈیسک August 13, 2020

واقعہ اتر پردیش کے ضلعے پیلی بھیت میں پیش آیا۔ (فوٹو، فائل)

بھارتی ریاست اُتر پردیش کے ضلعے پیلی بھیت میں بد بخت بیٹے نے خراٹے لینے پر باپ کو قتل کردیا ہے۔

غیر ملکی خبر رساں ادارے کے مطابق رام سواروپ کا بڑا بیٹا نووین اپنے باپ کی رات کو سوتے وقت خراٹے لینے کی عادت سے بہت پریشان تھا اور اسے نیند خراب ہونے کی شکایت تھی۔ گزشتہ رات کے وقت اپنے 65 سالہ باپ کو سوتے ہوئے لوہے کی سلاخ کے واروں سے زخمی کردیا جسے اسپتال منتقل کیا گیا لیکن راستے میں وہ زخموں کی تاب نہ لاتے ہوئے چل بسا۔

مقامی پولیس نے نووین کے چھوٹے بھائی منوج کی شکایت پر اس کے خلاف قتل کا مقدمہ درج کرلیا ہے۔ علاقہ ایس ایس ایچ او کا کہنا ہے کہ ابتدائی تحقیقات سے معلوم ہوا ہے کہ نووین پہلے بھی اپنے باپ کو سوتے ہوئے خراٹے لینے کی وجہ سے تشدد اور بدسلوکی کا نشانہ بناتا رہا ہے۔