تھانہ ریس کورس کے علاقے میں شادی کی تقریب میں فائرنگ سے ایک شخص کی جان چلی گئی اور 3 زخمی ہوگئے۔

گزشتہ شب علامہ اقبال کالونی میں شادی کی تقریب میں تلخ کلامی ہوئی جو شدید جھگڑے میں تبدیل ہوگئی اور گولیاں چل گئیں۔

شدید فائرنگ کے نتیجہ میں ایک شخص جاں بحق اور 3 زخمی ہوگئے۔ پولیس نے لاش کا پوسٹ مارٹم کروا کر مقدمہ درج کرلیا ہے۔

زخمیوں کو اسپتال منتقل کردیا گیا جہاں ان کا علاج معالجہ جاری ہے۔ پولیس نے کارروائی کرتے ہوئے ایک نامزد ملزم یاسر کو گرفتار کرلیا جبکہ دلہا عامر کو بھی شامل تفتیش کرلیاگیا ہے۔