بھارت میں بی جے پی اور آر ایس ایس فیس بک واٹس ایپ کو کنٹرول کرتے ہیں راہول گاندھی

راہول گاندھی نے اپنی ٹوئٹ میں امریکی میڈیا کی رپورٹس کا بھی حوالہ دیا ہے۔ (فوٹو، فائل)

---

بھارت میں حزب اختلاف کی جماعت کانگریس کے مرکزی رہنما راہول گاندھی نے کہا ہے کہ بی جے پی اور آر ایس ایس ہمارے ملک میں فیس بک اور واٹس ایپ کو کنٹرول کررہے ہیں۔

اپنی ایک ٹوئٹ میں راہل گاندھی نے حکمران جماعت بھارتیہ جنتا پارٹی اور انتہا پسند ہندو تنظیم راشٹریہ سیوک سنگھ فیس پر فیس بک اور واٹس ایپ کے ذریعے افواہیں اور اشتعال انگیزی پھیلانے کا بھی الزام عائد کیا ہے۔

BJP & RSS control Facebook & Whatsapp in India.

They spread fake news and hatred through it and use it to influence the electorate.

Finally, the American media has come out with the truth about Facebook. pic.twitter.com/Y29uCQjSRP

— Rahul Gandhi (@RahulGandhi) August 16, 2020

راہل گاندھی نے اپنے ٹوئٹ میں اس حوالے سے امریکی میڈیا میں شائع ہونے والی رپورٹس کی تصاویر بھی منسلک کی ہیں اور کہا ہے کہ بالآخر امریکی میڈیا فیس بک کے حوالے سے سچ سامنے لے آیا ہے۔

یہ بھی پڑھیے: فیس بک مودی سرکار کے حق میں جانب دار ہے، وال اسٹریٹ جرنل

واضح رہے کہ گزشتہ روز امریکی جریدے وال اسٹریڈ جرنل نے اپنی ایک رپورٹ میں انکشاف کیا تھا کہ بھارت میں فیس بک کے پالیسی سازوں میں موجود مودی کی حامی انکھی داس بی جے پی کے رہنماؤں کی نفرت انگیز پوسٹوں کے خلاف کارروائی کو روکنے کے لیے اپنا اثر و رسوخ استعمال کرتی ہیں۔