اسلام آباد ہائیکورٹ سے حکومت کیلیے بڑا ریلیف شوگر ملز کیخلاف کارروائی درست قرار

چینی انکوائری رپورٹ قانونی طور پر درست ہے، اسلام آباد ہائی کورٹ فوٹو: فائل

---

ہائی کورٹ نے شوگر ملز کے خلاف حکومت کی کارروائی درست قرار دے دی ہے۔

ایکسپریس نیوز کے مطابق جسٹس میاں گل حسن اورنگزیب اور جسٹس لبنیٰ سلیم پرویز پر مشتمل اسلام آباد ہائی کورٹ کے ڈویژن بنچ نے چینی انکوائری کمیشن کیس میں شوگر ملز مالکان کی انٹرا کورٹ اپیلوں پر 24 جولائی کو محفوظ کیا گیا فیصلہ سنایا۔

عدالت عالیہ نے چینی انکوائری کمیشن کیس میں شوگر ملز مالکان کی انٹرا کورٹ اپیلیں مسترد کرتے ہوئے کہا ہے کہ شوگر انکوائری کمیشن کی تشکیل اور چینی انکوائری رپورٹ قانونی طور پر درست ہے۔

واضح رہے کہ گزشتہ روز سندھ ہائی کورٹ نے چینی انکوائری کمیشن اور رپورٹ کو کالعدم قرار دیتے ہوئے نئی آزادانہ تحقیقات کا حکم دے چکی ہے۔