مزید3افراد میں ڈنگی وائرس کی تصدیقسرکاری تعداد570ہو گئی

غیر سرکاری اعداد و شمار کے مطابق ڈنگی کے مریضوں کی تعداد ساڑھے3 ہزار سے تجاوز کر چکی ہے۔

Numainda Express December 14, 2013

غیر سرکاری اعداد و شمار کے مطابق ڈنگی کے مریضوں کی تعداد ساڑھے3 ہزار سے تجاوز کر چکی ہے۔ فوٹو:فائل

حیدرآباد کے مزید 3 افراد میں ڈنگی وائرس کی تصدیق،اسپتال میں داخل کر لیا گیا۔

سول اسپتال میں ڈنگی کے فوکل پرسن کے مطابق عثمان آباد کی رہائشی 18 سالہ حرا بھٹی، مسلم کالونی کے رہائشی شاہد قریشی، پکا قلعہ کی رہائشی 16 سالہ تہمینہ کو سول اسپتال لایا گیا جہاں ان کے ٹیسٹ کیے گئے جن میں ڈنگی وائرس کی تصدیق ہوگئی ۔

جس پر تینوں مریضوں کو اسپتال کے آئسولیشن وارڈ میں داخل کر لیا گیا۔ محکمہ صحت حیدرآباد کے اعداد و شمار کے مطابق رواں سال ڈنگی کے570 مریض رپورٹ ہوئے جن میں سے اسپتال میں داخل کیے گئے 374 مریضوں میں سے 371 کو علاج کے بعد فارغ کر دیا گیا جبکہ 2 ہلاکتیں رپورٹ ہوئی ہیں۔ دوسری طرف غیر سرکاری اعداد و شمار کے مطابق ڈنگی کے مریضوں کی تعداد ساڑھے3 ہزار سے تجاوز کر چکی ہے۔