عمران خان نے دو برس میں ہمیں ملکی تاریخ کی بدترین معیشت دی بلاول

عمران خان کے دو برس کے اقتدار میں پہلے سے زیادہ کرپشن ہوئی، چیئرمین پاکستان پیپلز پارٹی (فوٹو : فائل)

---

پاکستان پیپلز پارٹی کے چیئرمین بلاول بھٹو زرداری نے کہا ہے کہ عمران خان کو آج حکومت کرتے ہوئے دوسال ہوگئے اس دوران انہوں نے ہمیں ملکی تاریخ کی بدترین معیشت دی۔

اپنے ٹویٹر پیغام میں انہوں ںے کہا عمران خان کو آج حکومت کرتے ہوئے دوسال ہوگئے اس دوران انہوں نے ہمیں ملکی تاریخ کی بدترین معیشت دی، عمران خان کے دو برس میں کشمیر سے سعودی عرب تک خارجہ پالیسی ناکام رہی۔

2 years in power & @ImranKhanPTI has given us the worst economy in our country’s history, foreign policy failures from Kashmir to Saudi, democracy & human rights suffering , unemployment at an all time high, transparency international has said corruPTIon is higher than before.

— BilawalBhuttoZardari (@BBhuttoZardari) August 18, 2020

چیئرمین بلاول بھٹو زرداری کا کہنا ہے کہ عمران خان کے دو برس کے دوران جمہوریت اور انسانی حقوق نشانہ رہے، اس عرصے کے دوران ملک میں سب سے زیادہ بے روزگاری ہوئی۔

بلاول بھٹو زرداری نے مزید کہا کہ عمران خان کے دو برس کے اقتدار میں پہلے سے زیادہ کرپشن ہوئی ہے۔