کیریبئن پریمیئر لیگ میں مین آف دی میچ آصف علی کو اختتامی تقریب میں بات چیت کیلیے بلایا گیا تو نیپالی اسٹار سندیپ لامی چینے نے ترجمان کے فرائض سرانجام دیے۔

پاکستانی کرکٹر آصف علی نے جمیکا تلاواز کی نمائندگی کرتے ہوئے سینٹ لوسیا زوکس کیخلاف 27 گیندوں پر 47 رنز کی اننگز کھیلی تھی، مین آف دی میچ ایوارڈ وصول کرنے کے موقع پر انگریزی بولنے میں مشکل کے پیش نظر سندیپ لامی چینے مدد کو آئے، اردو زبان سے بھی اچھی طرح آشنا سندیپ لامی چینے نے بخوبی ترجمان کا کردار نبھایا، سوشل میڈیا پر ان کی اس سپرٹ کو بہت سراہا جا رہا ہے۔