ساؤتھمپٹن ٹیسٹ پاکستانی ٹیم انگلینڈ کے پہاڑ جیسے ہدف تلے دب گئی

انگلینڈ کے 583 رنز کے جواب میں پاکستان کے محض 24 رنز پر 3 کھلاڑی آؤٹ ہوگئے

ویب ڈیسک August 22, 2020

انگلینڈ کے 583 رنز کے جواب میں پاکستان کے محض 24 رنز پر 3 کھلاڑی آؤٹ ہوگئے - فوٹو: آئی سی سی

پاکستان اور انگلینڈ کے درمیان تیسرے ٹیسٹ میچ میں انگلینڈ نے پاکستانی بالرز کی درگت بناتے ہوئے 583 رنز کا پہاڑ بنادیا جسے سر کرنے کی کوشش میں محض 24 رنز پر پاکستان کے 3 کھلاڑی آؤٹ ہوگئے۔

پاکستان اور انگلینڈ کے درمیان تیسرا ٹیسٹ میچ ساؤتھمپٹن میں کھیلا جارہا ہے جہاں دوسرے روز بھی پہلی ہی اننگ جاری ہے۔ میچ کے دوسرے دن انگلینڈ نے 4 کھلاڑیوں کے نقصان اور 332 رنز کے ساتھ بیٹنگ کا سلسلہ دوبارہ شروع کیا جب کہ انگلش کھلاڑی زیک کرالے اور جوز بٹلر کریز پر موجود تھے۔ دوسرے روز بارش سے میچ میں وقفہ آیا جس کے بعد دوبارہ کھیل شروع ہوا۔

زیک کرالے کی 267 رنز کی ڈبل سینچری

انگلش کھلاڑی زیک کرالے نے اپنے کیرئیر کی پہلی ڈبل سنچری اور جوز بٹلر نے دوسری ٹیسٹ سینچری مکمل کی۔ زیک کرالے انگلینڈ کی جانب سے اپنی پہلی ڈبل سینچری بنا کر زیاد اسکور کرنے والے دوسرے کھلاڑی بن گئے۔ انہوں ںے دو دن کے دوران 393 گیندوں پر 267 رنز اسکور کیے جن میں 34 چوکے اور ایک چھکا شامل ہیں۔ انہیں اسد شفیق کی گیند پر محمد رضوان نے اسٹمپ کیا۔ قبل ازیں یہ ریکارڈ آسٹریلیا کے خلاف 287 رن بنا کر 1903ء میں ٹپ فروسٹ نے بنایا تھا۔

💯 x 2️⃣ + 5⃣0⃣*

A dream performance for Zak Crawley!pic.twitter.com/lTCV2qupqo
— ICC (@ICC) August 22, 2020

زیک کرالے کے بعد جوز بٹلر بھی چھائے رہے اور پاکستانی بالرز کی پٹائی کرتے رہے۔ میچ میں اس وقت دل چسپ مرحلہ آیا جب انگلینڈ کے بلے باز جوز بٹلر 99 کے اسکور پر پہنچے تو انہیں آؤٹ کرنے کی اپیل مسترد ہونے پر ریویو لیا گیا تاہم وہ اس اپیل سے بچ نکلے۔ انہوں ںے 311 گیندوں پر 152 رنز اسکور کیے اور ٹیسٹ کی دوسری سنچری اسکور کی۔ انہیں فواد عالم نے آؤٹ کیا۔

ٹیم کے 547 کے اسکور پر ساتویں وکٹ کرس ووکس کی گری جو فواد عالم کی گیند پر یاسر شاہ کو کیچ دے بیٹھے جب کہ آٹھویں نمبر پر اسٹیورٹ براڈ 15 رنز پر پویلین لوٹ گئے جنہیں شاہین شاہ آفریدی نے کلین بولڈ کیا۔ کریز پر مارک بیس رہ گئے جنہوں نے 27 رنز اسکور کیے بعدازاں انگلینڈ نے اننگ ختم کردی۔ انگلینڈ نے دو روز کے دوران 154 اوورز میں 583 رنز اسکور کیے۔

پاکستانی بیٹںگ

انگلینڈ کے رنز کے پہاڑ کو سر کرنے کے لیے پاکستان کی بیٹنگ شروع ہوئی تو ٹیم 10.5 اوورز کا میچ کھیل سکی اور کھیل تیسرے دن پر چلا گیا۔محض 24 رنز پر انگلش بالر اینڈریسن نے پاکستان کے 3 کھلاڑیوں کو پویلین روانہ کردیا۔ اوپننگ شان مسعود اور عابد علی نے کی۔ شان مسعود 4 رنز بناکر اینڈرسن کے ہاتھوں ایل بھی ڈبلیو ہوگئے،عابد علی صرف ایک رن پر اینڈریسن کی گیند پر سبلی کو کیچ دے بیٹھے جب کہ بابر اعظم 11 رنز پر ایںڈریسن کے ہاتھوں ایل بی ڈبیلو ہوگئے۔

Jos Buttler gets his first Test 💯 as a wicket-keeper batsman!#ENGvPAK pic.twitter.com/NrP1rbDl6R
— ICC (@ICC) August 22, 2020

میچ کا پہلا روز

قبل ازیں میچ کے پہلے روز انگلینڈ نے ٹاس جیت کر بیٹنگ کا فیصلہ کیا اور پہلے روز کے اختتام تک 4 وکٹ کے نقصان پر 332 رنز بنائے۔ رورے 6، ڈوم سیبلی 22، کپتان جوئے روٹ 29 اور اولے پوپ 3 رنز پر آؤٹ ہوئے جب کہ انگلش کھلاڑی زیک کرالے نے پہلے دن کیرئیر کی پہلی سنچری اسکور کی تھی۔

پاکستان کی جانب سے یاسر شاہ نے دو جب کہ نسیم شاہ اور شاہین شاہ آفریدی نے ایک ایک وکٹ حاصل کی۔

قومی ٹیم میں کوئی تبدیلی نہیں کی گئی اور بارش کی نذر ہونے والے دوسرے ٹیسٹ کی ٹیم برقرار رکھی گئی ہے جب کہ انگلینڈ نے صرف ایک تبدیلی کرتے ہوئے سام کیورن کی جگہ جوفرا آرچر کو واپس ٹیم میں شامل کیا ہے۔

We will bat first in the final Test of the series and the summer! 🏴󠁧󠁢󠁥󠁮󠁧󠁿🏏#ENGvPAK
— England Cricket (@englandcricket) August 21, 2020

واضح رہے کہ مانچسٹر ٹیسٹ میں انگلینڈ نے پاکستان کے خلاف سنسنی خیز مقابلے کے بعد 3 وکٹ سے غیر متوقع فتح حاصل کی تھی جب کہ ساؤتھمپٹن ٹیسٹ بارش اور خراب موسم کی نذر ہوگیا تھا۔

England win the toss and elect to bat first.

Follow @TheRealPCB_Live for updates.#ENGvPAK pic.twitter.com/eSZdKry8j6
— Pakistan Cricket (@TheRealPCB) August 21, 2020