KARACHI: کھانوں میں انڈوں کا استعمال کون نہیں کرتا ہو گا لیکن کراچی میں ایک ایسا آرٹسٹ بھی ہے جو انڈوں کو اچھوتے آرٹ کے لیے زیادہ اہمیت دیتا ہے۔

معین الدین شیخ پیشے کے اعتبار سے بزنس مین اور ہیومن فزیالوجی میں ماسٹرز ہیں لیکن ان کا شوق بہت ہی انوکھا ہے، چالیس برس سے یہ انڈوں پر پیتل کی تار سے ٹانکے لگا کر فن پارے بنا رہے ہیں، ان کے پاس ایگ آرٹ کا وہ پہلا فن پارہ اب بھی موجود ہے جو انھوں نے راج ہنس کے انڈے پر تخلیق کیا، اس منفرد فن کے بارے میں معین الدین کا دعویٰ ہے کہ وہ اس ہنر کے بانی ہیں، ایگ آرٹ میں لاگت نہ ہونے کے برابر ہے لیکن یہ انتہائی محنت طلب کام ہے۔