ملا عبدالغنی کی قیادت میں افغان طالبان وفد کی وزیر خارجہ شاہ محمود قریشی سے ملاقات

وفاقی وزیر کا انٹرا افغان مذاکرات کے جلد انعقاد کی خواہش کا اظہار، طالبان وفد نے پاکستان کی کاوشوں پر شکریہ ادا کیا

ویب ڈیسک August 25, 2020

ملا عبدالغنی برادر کی قیادت میں افغان طالبان کا 6 رکنی وفد گزشتہ روز اسلام آباد پہنچا تھا، فوٹو : فائل

WASHINGTON: ملا عبدالغنی برادر کی سربراہی میں افغان طالبان کے وفد نے وزارت خارجہ میں وفاقی وزیر شاہ محمود قریشی سے ملاقات کی جس میں باہمی دلچسپی کے امور پر تبادلہ خیال کیا گیا۔

ایکسپریس نیوز کے مطابق ملا عبدالغنی برادر کی قیادت میں افغان طالبان کے 6 رکنی وفد نے آج وزیر خارجہ شاہ محمود قریشی سے ملاقات کی۔ ملاقات کے دوران افغانستان امن عمل میں حالیہ پیشرفت، بین الافغان مذاکرات کے جلد انعقاد سمیت باہمی دلچسپی کے مختلف امور پر تبادلہ خیال کیا گیا۔

وزیر خارجہ نے افغان طالبان کے وفد کو افغان امن عمل کو سبوتاژ کرنے اور " اسپائیلرز " سے متعلقہ ممکنہ خطرات سے بھی آگاہ کرتے ہوئے کہا کہ پاکستان افغان امن عمل سمیت خطے میں دیرپا امن و استحکام کو یقینی بنانے کیلئے اپنی مصالحانہ کوششیں جاری رکھے گا۔

اس موقع پر وفاقی وزیر شاہ محمود قریشی کا کہنا تھا کہ پاکستان شروع دن سے یہی موقف اختیار کیے ہوئے ہے کہ افغان مسئلے کا دیرپا اور مستقل حل افغانوں کی سربراہی میں ہونے والے مذاکرات ہی ہیں۔ پاکستان افغان عمل امن میں اپنا مصالحانہ کردار مشترکہ ذمہ داری کے تحت ادا کرتا آ رہا ہے۔

وزیر خارجہ نے مزید کہا کہ پاکستان کی مخلصانہ اور مصالحانہ کاوشیں 29 فروری کو دوحہ میں طالبان اور امریکا امن معاہدے کی صورت میں بارآور ثابت ہوئیں۔ امید ہے افغان قیادت اب افغانستان میں قیام امن کیلئے اس امن معاہدے کی صورت میں میسر آنے والے نادر موقع سے بھرپور فائدہ اٹھائے گی۔

FM @SMQureshiPTI talks to a delegation of Afghan Taliban, led by Mullah Abdul Ghani Baradar in Islamabad https://t.co/cN9z8hJkuD pic.twitter.com/UiAVyJTErD
— Radio Pakistan (@RadioPakistan) August 25, 2020

شاہ محمود قریشی کا مزید کہنا تھا کہ پاکستان، خطے میں امن و استحکام کے قیام کو یقینی بنانے کیلئے، انٹرا افغان مذاکرات کے جلد انعقاد کا متمنی ہے، پاکستان اور افغانستان کے مابین دیرینہ مذہبی، تاریخی اور جغرافیائی اعتبار سے گہرے برادرانہ تعلقات ہیں۔

وفاقی وزیر نے کہا کہ افغانستان میں معاشی مواقعوں کی فراہمی، افغان مہاجرین کی باعزت اور جلد واپسی کے خواہاں ہیں، افغانستان کے معاشی استحکام کیلئے، عالمی برادری کو اپنی کاوشیں بروئے کار لانے کی ضرورت ہے۔

افغان طالبان کے وفد نے افغان امن عمل میں پاکستان کی طرف سے بروئے کار لائی جانے والی مسلسل کاوشوں اور پر خلوص معاونت پر وزیر خارجہ شاہ محمود قریشی کا شکریہ ادا کیا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

ملا عبدالغنی کی قیادت میں افغان طالبان وفد کی وزیر خارجہ شاہ محمود قریشی سے ملاقات

انٹرٹینمنٹ

کینسر کے مرض میں مبتلا اداکارہ نے مداحوں سے دعاؤں کی درخواست کردی

سونا اسمگل کرنے پر زیر حراست اداکارہ کے بھارتی ایجنسی پر سنگین الزامات

فلم میں کام کے 500 روپے ملے اور سین بھی حذف کرا دیا؛ امیتابھ بچن نے سنایا دلچسپ واقعہ

رائے

ہم سیاحت کیسے بڑھا سکتے ہیں؟

پاکستان کرکٹ

چھ نسلوں سے جاری مزاحمت (قسط چہارم)

متعلقہ

تازہ ترین

ملا عبدالغنی کی قیادت میں افغان طالبان وفد کی وزیر خارجہ شاہ محمود قریشی سے ملاقات

ہمارے ساتھ شامل ہوں

مقبول خبریں

انٹرٹینمنٹ

کینسر کے مرض میں مبتلا اداکارہ نے مداحوں سے دعاؤں کی درخواست کردی

سونا اسمگل کرنے پر زیر حراست اداکارہ کے بھارتی ایجنسی پر سنگین الزامات

فلم میں کام کے 500 روپے ملے اور سین بھی حذف کرا دیا؛ امیتابھ بچن نے سنایا دلچسپ واقعہ

رائے

ہم سیاحت کیسے بڑھا سکتے ہیں؟

پاکستان کرکٹ

چھ نسلوں سے جاری مزاحمت (قسط چہارم)

متعلقہ

تازہ ترین