مادھوری نصیرالدین شاہ کی ’’ڈیڑھ عشقیہ‘‘ ریلیز کیلیے تیار

ابھیشک چوبے کی فلم میں مادھوری، نصیر الدین شاہ، ارشد وارثی اور ہما قریشی اہم کرداروں میں جلوہ گرہو رہے ہیں۔ فوٹو: فائل

---

بالی ووڈ کی دھک دھک گرل مادھوری ڈکشٹ اور نصیرالدین شاہ کی فلم ''ڈیڑھ عشقیہ'' ریلیز کے لیے تیار ہے جسکے ٹریلرکے بعد فلم کے پہلے گانے کی مکمل وڈیو بھی جاری کر دی گئی۔

ہمری اٹریا پہ کے بولوں پر مبنی اس گانے کی وڈیو میں مادھوری ڈکشٹ کے ساتھ ہما قریشی اپنے ڈانس کے جلوے بکھیرتی نظر آ رہی ہیں۔ ہدایتکار ابھیشک چوبے کی اس فلم میں مادھوری، نصیر الدین شاہ، ارشد وارثی اور ہما قریشی اہم کرداروں میں جلوہ گر ہو رہے ہیں جب کہ شردھا کپور اور امریتا پوری بحیثیت مہمان اداکار اس فلم کا حصہ بنی ہیں۔ کامیڈی اور تھرل سے بھرپور یہ فلم 10جنوری کو سینما گھروں کی زینت بنے گی۔