امدادی کارروائی کے دوران ایدھی کی کشتی الٹ گئی فیصل ایدھی کو ریسکیوکرلیا

قریب موجود ماہی گیروں کی کشتی میں موجود افراد نے ریسکیو کیا: فوٹو: فائل

---

ISLAMABAD: سی ویوکے قریب گہرے پانی میں ایدھی بحری خدمات کی کشتی الٹ گئی جس میں فیصل ایدھی بھی موجود تھے۔

ایکسپریس نیوزکے مطابق کراچی میں سی ویو کے قریب گہرے پانی میں ایدھی بحری خدمات کی کشتی الٹ گئی۔ کشتی میں معروف فلاحی ادارے ایدھی فاؤنڈیشن کے سربراہ فیصل ایدھی سمیت 6 افراد سوارتھے۔ فیصل ایدھی پانی میں ڈوبے ایک شخص کی تلاش کررہے تھے۔

برساتی پانی کے ریلے میں ڈوبنے والوں کی تلاش میں جانے سے قبل کشتی میں لی گئی تصویر جس میں فیصل ایدھی، رکن سندھ اسمبلی راجہ اظہر اور دیگر سوار ہیں(فوٹو، ایکسپریس)

قریب موجود ماہی گیروں کی کشتی میں موجود افراد نے انہیں ریسکیو کیا جس کے بعد فیصل ایدھی اور دیگرافراد کو ابراہیم حیدری جیٹی منتقل کردیا گیا ہے۔

واضح رہے کہ ایدھی فاؤنڈیشن کے سربراہ فیصل ایدھی کراچی سمیت ملک بھرمیں ہونے والے حالیہ سانحات وواقعات میں ریسکیو آپریشن کے دوران فعال نظر آتے ہیں۔