حکومتِ سندھ نے کراچی سمیت 20 اضلاع کو آفت زدہ قرار دے دیا

20 اضلاع کے آفت زدہ قرار دینے کا نوٹیفکیشن جاری کردیا گیا ہے(فوٹو، فائل)

---

بارش کی تباہ کاریوں کے باعث صوبائی حکومت نے کراچی سمیت سندھ کے 20 اضلاع کو آفت زدہ قرار دے دیا ہے۔

ریلیف کمشنر کی جانب جاری ہونے والے باضابطہ نوٹفیکشن کے مطابق کراچی کے تمام 6 اضلاع، حیدرآباد دادو، ٹھٹھہ، سجاول، بدین، مٹیاری،جامشورو، ٹنڈومحمد خان، ٹنڈوالہ یار، میرپورخاص ، عمرکوٹ، تھرپارکر اضلاع کو آفت زدہ قرار دیا گیا ہے جبکہ شہید بے نظیر آباد اور سانگھڑ اضلاع کو بھی بارشوں سے ہونے والے نقصانات کے باعث آفت زدہ قرار دیاگیا ہے۔

یہ بھی پڑھیں ؛پانی کی نکاسی میں رکاوٹ بننے والی عمارتیں گرانے کا حکم

نوٹی فیکشن کے مطابق آفت زدہ قرار دئیے گئے اضلاع کے ڈپٹی کمشنرز بارشوں سے ہونے والے نقصانات کا سروے کریں گے۔ سروے کےبعد آفت زدہ قرار دئیے گئے اضلاع کےمتاثرین کےنقصانات کا ازالہ کیا جائے گا۔