بابراعظم دوسرے میچ میں اچھے ٹوٹل کے باوجود شکست پر مایوس

پرامید ہوں کہ اگلے میچ میں کم بیک کیساتھ سیریز برابر کریں گے، کپتان ٹی ٹوئنٹی

Sports Reporter August 31, 2020

پرامید ہوں کہ اگلے میچ میں کم بیک کیساتھ سیریز برابر کریں گے، کپتان ٹی ٹوئنٹی

قومی ٹی ٹوئنٹی ٹیم کے کپتان بابراعظم نے اچھے ٹوٹل کے باوجود شکست پر مایوسی کا اظہار کیا ہے۔

دوسرے ٹی ٹوئنٹی میچ میں شکست کے بعد میڈیا سے گفتگو کرتے ہوئے قومی ٹیم کے کپتان بابر اعظم نے کہا کہ ہمارا ہدف 160 سے 165 کا تھا لیکن 195رنز بنالئے، محمد حفیظ نے شاندار اننگز کھیلی لیکن پلان کے مطابق اچھی بولنگ نہیں کرسکے۔

محمدعامر کی انجری کے سوال پر انہوں نے کہا کہ ایک اہم بولر ان فٹ ہونے سے بھی مسائل ہوئے، اگلے میچ میں کم بیک کرنے کی کوشش کریں گے، ایون مورگن اور ڈیوڈ میلان نے بہترین اننگز کھیلی، بولرز نے اپنی غلطیوں سے سیکھا ہوگا، خود بھی سیکھنے کی کوشش کروں گا۔ انہوں نے کہا کہ کھلاڑیوں کی صلاحیتوں پر اعتماد اور پرامید ہوں کہ اگلے میچ میں کم بیک کیساتھ سیریز برابر کریں گے۔

Babar Azam, Mohammad Hafeez and Haris Rauf on the second #ENGvPAK T20I.#APPNews #PakistanCricket pic.twitter.com/uZOeqGDh0d
— APP (@appcsocialmedia) August 31, 2020