بلاول اور آصفہ نے تحریک انصاف کے مہنگائی کیخلاف احتجاج کی حمایت کردی

مہنگائی کے خلاف احتجاج درست اقدام ہے،بلاول،صحت مند معاشرے کے لیے سیاسی ایجنڈے سے ہٹ کر بات کرنا ہو گی،آصفہ

INP/Monitoring Desk December 15, 2013

مہنگائی کے خلاف احتجاج درست اقدام ہے،بلاول،صحت مند معاشرے کے لیے سیاسی ایجنڈے سے ہٹ کر بات کرنا ہو گی،آصفہ۔ فوٹو: فائل

پیپلز پارٹی کے سرپرست اعلیٰ بلاول بھٹو زرداری نے تحریک انصاف کے مہنگائی کے خلاف 22 دسمبر کے احتجاج اور ان کی ہمشیرہ آصفہ بھٹو زرداری نے انسداد پولیو مہم کے حوالے سے عمران خان کی حمایت کر دی ہے۔

بلاول نے اپنے ٹوئیٹر پیغام میں کہا ہے کہ وہ مہنگائی کے خلاف عمران خان کے اقدام کی حمایت کرتے ہیں، ملک میں جس طرح مہنگائی اور بیروزگاری میں اضافہ ہوا ہے تحریک انصاف کا اس کے خلاف احتجاج درست اقدام ہے، اس میں کوئی شک نہیں حکو مت مہنگائی اور بیروزگاری کو کنٹرول کرنے میں ناکام رہی ہے۔آصفہ بھٹو نے بھی اپنے ٹویئٹر پیغام میں کہا کہ کہ وہ خیبر پختونخوا میں انسداد پولیو مہم کیلیے عمران خان کی حمایت کرتی ہیں۔

صحت مند معاشرے کے لیے سیاسی ایجنڈے سے ہٹ کر بات کرنا ہو گی۔ صحت کے معاملے میں سیاسی اختلافات خاطر میں نہیں لانے چاہئیں۔ ادھر تحریک انصاف کی ترجمان شیریں مزاری نے آصفہ بھٹو کی انسداد پو لیو مہم اور بلاول بھٹو کی جانب سے مہنگائی کی خلاف احتجاج کی حمایت کا خیر مقدم کرتے ہوئے کہا کہ پر پاکستانی کو ہمارے اقدامات کی حمایت کرنی چاہیے۔