مشیر وزیراعلی پنجاب جاوید اختر انصاری کے گھر پر فائرنگ

آصف نامی شخص کو مخالفین میرے خلاف استعمال کر رہے ہیں، جاوید اختر انصاری۔ فوٹو:ایکسپریس

---

وزیراعلیٰ پنجاب عثمان بزدار کے مشیر جاوید اخترانصاری کے گھر پر فائرنگ ہوئی ہے۔

ایکسپریس نیوزکے مطابق وزیراعلیٰ پنجاب عثمان بزدار کے مشیر اور پارلیمانی سیکرٹری برائے ٹرانسپورٹ جاوید اخترانصاری کے ملتان میں واقع گھر پر نامعلوم افراد نے فائرنگ کی، تاہم جاوید اختر انصاری یا ان کے اہل خانہ میں سے کسی کو کوئی نقصان نہیں ہوا۔



جاوید اختر انصاری کا کہنا ہے کہ گھر پر فائرنگ آصف نامی شخص نے کی جو جرائم پیشہ عناصر کا سرغنہ ہے، آصف کو مخالفین بھی میرے خلاف استعمال کر رہے ہیں، اس سے قبل بھی مجھے قتل کی دھمکیاں دی گئیں۔