کراچی میں رینجرز اور پولیس کی کارروائیوں کے دوران متعدد ملزمان گرفتار ایک ڈاکو ہلاک

رینجرز اہلکاروں نے ملیر، پاک کالونی، گلبہار،مجاہد کالونی لیاقت آباد، رنچھوڑ لین اور لیاری میں ٹارگٹڈ چھاپے مارے۔ فوٹو: فائل

---

شہر قائد میں امن کے قیام کے لئے رینجرز اور پولیس کی جانب سے گزشتہ 24 گھنٹوں کے دوران مختلف علاقوں سے درجنوں ملزمان کو حراست میں لینے کا دعویٰ کیا گیا ہے جبکہ حسن اسکوائر کے قریب مسافر بسوں میں لوٹ مار کرنے والا ایک ڈاکو مقابلے میں ہلاک ہوگیا۔

رینجرز ترجمان کے مطابق گزشتہ 24 گھنوں کے دوران ملیر، پاک کالونی، گلبہار،مجاہد کالونی، لیاقت آباد، رنچھوڑ لین اور لیاری کے مختلف علاقوں میں ٹارگٹڈ چھاپے مارے گئے، اس دوران 14 ملزمان گرفتار کرکے ان کے قبضے سے اسلحہ برآمد کرلیا گیا ہے، ملزمان سے تفتیش کا عمل جاری ہے۔

دوسری جانب پولیس نے بھی مختلف مقامات پر کارروائیاں کرتےہوئے متعدد افراد کو حراست میں لے لیا ہے، اس کے علاوہ حسن اسکوائر ملزمان مسافر بس اورشہریوں سے لوٹ مارکررہے تھے کہ پولیس موقع پر پہہنچ گئی، اس دوران فائرنگ کا تبادلہ ہوا جس سے ایک ڈاکو ہلاک جبکہ ایک کو زخمی حالت میں گرفتار کرلیا گیا ہے۔