لاہور میں عمارت گرنے سے ایک شخص ہلاک اور 7 زخمی ہوگئے۔

ریسکیو اداروں کے مطابق چوبرجی کے قریب نجی بینک کی عمارت گرگئی جس سے متعدد افراد ملبے تلے دب گئے۔ واقعے کی اطلاع ملتے یہ امدادی ٹیمیں جائے وقوعہ پر پہنچیں اور ملبے تلے دبے لوگوں کو نکالا۔

حادثے میں متعدد افراد زخمی ہوگئے جنہیں اسپتال منتقل کیا گیا جہاں زخموں کی تاب نہ لاتے ہوئے ایک شخص ہلاک ہوگیا۔ عینی شاہدین نے بتایا کہ عمارت گرنے سے قبل گیس اخراج کے دھماکے کی آواز آئی۔