فلم اور اسٹیج کے معروف اداکار ، رائٹر و ہدایتکار جاوید حسن کی چوتھی برسی آج منائی جائے گی۔

جاوید حسن نے بطور اداکار ، رائٹر اور ڈائریکٹر فلم اور اسٹیج ڈراموں میں اپنی منفرد شناخت بنائی۔ ان کا فیصل آباد سے تعلق تھا انھوں نے بطور ڈائریکٹر پہلی فلم ''غیرت'' بنائی ۔ مرحوم ذیابیطس، بلڈ پریشر، پھیپھڑوں اور دل کے عارضہ میں مبتلا تھے ۔2009ء میں عیدالضحی پر محفل تھیٹر میں اسٹیج ڈرامہ میں پرفارم کررہے تھے اس ڈرامے کے چوتھے روز ان کی حالت خراب ہوگئی جس پر انھیں جنرل اسپتال لیجایا گیا جہاں ایک ہفتہ تک زیرعلاج رہے اور 16دسمبر 2009ء کو وفات پاگئے۔