میرعلی فائرنگ سے کیپٹن سمیت 2 اہلکار زخمی دہشت گرد ہلاک

حسوخیل کے قریب فورسز کا کامیاب آپریشن، مطلوب دہشت گرد وسیم زکریا ہلاک فوٹو: فائل

---

شمالی وزیرستان کی میرعلی سب ڈویژن میں فورسز پر فائرنگ کے نتیجے میں ایک افسر سمیت دو اہلکار شدید زخمی ہو گئے۔

حسوخیل پل کے قریب فورسز کے گشتی پارٹی کی گاڑی پر فائرنگ کی گئی، زخمی کیپٹن فرحان اور نائک اصف کو میرعلی اسپتال منتقل کر دیا گیا، سیکیورٹی فورسز نے علاقے کو گھیرے میں لے لیا۔

فائرنگ کے واقعہ کے بعد حسوخیل گاؤ ں کے قریب فورسز نے کامیاب آپریشن کیا اس دوران آریانہ گروپ کا سربراہ اور مطلوب دہشت گرد وسیم زکریا ہلاک ہو گیا جو سی ایس ایس آفیسر زبیداللہ داوڑ کے قتل میں ملوث تھا،اس کی لاش اسپتال منتقل کردی گئی۔