گاڑی کی ٹکر سے بچہ کی ہلاکت سیکرٹری آئی ٹی کے پی گرفتار

حادثے کے وقت سیکرٹری آئی ٹی خیبرپختو نخوا کار خود چلارہے تھے، پولیس۔ فوٹو: فائل

---

گاڑی کی ٹکر سے بچہ جاں بحق ہونے کے کیس میں سیکرٹری آئی ٹی خیبر پختونخوا نے پولیس کو از خود گرفتاری پیش کردی۔

پولیس کے مطابق پشاور کے علاقے یونی ورسٹی ٹاؤن کی حدود میں سیکرٹری آئی ٹی خیبر پختونخوا مختیار احمد کی کار کی ٹکر سے 6 سالہ بچہ شدید زخمی ہوگیا، حادثہ کے بعد سیکرٹری آئی ٹی بچے کو خود علاج معالجہ کے لیے اپنی گاڑی میں اسپتال لے گئے تاہم 2،3 گھنٹوں بعد بچہ زخموں کی تاب نہ لاتے ہوئے جاں بحق ہوگیا جس کے بعد انہوں نے ازخود تھانہ ٹاؤن میں گرفتاری پیش کردی اور آج بروز پیر کو پولیس نے سیکرٹری کا چالان کیا ہے۔