وزیراعظم عمران خان کوئٹہ پہنچ گئے

وزیراعظم عمران خان کوئٹہ پہنچ گئے۔


ایکسپریس نیوزکے مطابق وزیراعظم عمران خان کوئٹہ پہنچ گئے۔ وزیراعظم عمران خان سے وزیراعلیٰ بلوچستان جام کمال خان نے ملاقات کی۔ ملاقات میں بلوچستان کی ترقی کے معاملات وفاقی حکومت کے تعاون سمیت باہمی دلچسپی کے دیگر امورپرتبادلہ خیال کیا گیا۔

وزیراعظم کو وزیراعلیٰ کی جانب سے ترقیاتی اقدامات اورامن وامان کی صورتحال پربریفنگ دی گئی۔ وزیراعظم نے صوبائی حکومت کے ترقیاتی پروگرام اور امن کے قیام کے لیے اقدامات پر اظہار اطمینان کیا اورصوبائی حکومت کی کارکردگی کی تعریف بھی کی۔ وزیراعظم نے وزیراعلیٰ کو وفاقی حکومت کی جانب سے بھرپور تعاون کی یقین دہانی بھی کرائی۔