تعلیمی ادارے کھولنے کے فیصلے پر نظر ثانی کی جائے ترجمان حکومت سندھ

چھوٹے بچے کورونا ایس او پیز پر عملدرآمد نہیں کر پائیں گے، مرتضی وہاب(فوٹو، فائل)

---

سندھ حکومت کے ترجمان ،مشیر قانون ، ماحولیات و ساحلی ترقی بیرسٹر مرتضی وہاب نے اپنے ایک ٹوئیٹر پیغام کے ذریعے تعلیمی ادارے کھولنے کے فیصلے پر نظر ثانی کی اپیل کی ہے۔

بیرسٹر مرتضی وہاب نے وفاقی اور صوبائی حکومت سے اسکول خصوصا پرائمری سیکشن کھولنے کے فیصلے پر نظر ثانی کرنے کی درخواست کی اور کہا کہ بطور ایک والد کے سمجھتا ہوں کہ صورتحال تاحال غیر یقینی ہے اور چھوٹے بچے کورونا ایس او پیز پر عملدرآمد نہیں کر پائیں گے۔

As a parent, I would request the Education Department, Government of Sindh as well as the Federal Govt to reconsider the decision of opening up the schools especially the primary sections. The situation is still not certain & children may not be able to follow the SOPs

— Murtaza Wahab Siddiqui (@murtazawahab1) September 12, 2020

واضح رہے کہ گزشتہ ہفتے وفاقی وزیر تعلیم کی زیر سربراہی صوبائی وزرائے تعیلیم کے بین الصوبائی اجلاس میں 15 ستمبر سے مرحلہ وار تعلیمی ادارے کھولنے کی منظوری دی جاچکی ہے۔ دوسری جانب وزیر تعلیم سندھ سعید غنی کی جانب سے بھی واضح کردیا گیا ہے کہ تعلیمی ادارے اعلان کے مطابق کھلیں گے۔