یوم سقوط مشرقی پاکستان عبرت کا دن ہے شیخ شوکت

امیر جماعت اسلامی ضلع حیدرآباد شیخ شوکت علی نے کہا ہے کہ پاکستان اسلام کے نام پر قائم ہوا ہے اور قیامت تک قائم رہے گا۔

ملک کے تحفظ کے لیے ظلم کے نظام کو ختم کرنا اور ماضی کی غلطیوں سے بچنا ہوگا۔ ان خیالات کا اظہار انھوں نے یوم سقوط مشرقی پاکستان کے موقع پر کیا۔ انھوں نے کہاکہ 16 دسمبر سانحہ مشرقی پاکستان کے حوالے سے عبرت کا دن ہے۔ ماضی میں کئی گئی غلطیوں سے سبق سیکھنا چاہیے تھا، لیکن من حیث القوم ہم نے سقوط ِڈھاکا سے کوئی سبق حاصل نہیں کیا ہے۔ بلوچستان میں بھی وہی پالیسی جاری ہے، جس کا انجام ہم 42 سال پہلے دیکھ چکے ہیں۔




بنگلہ دیش میں حکمرانوں کے جرائم کی سزا وہاں جماعت اسلامی کو دی جارہی ہے کیونکہ جماعت اسلامی نے پاکستان کو متحدرکھنے کی آخر تک کوششیں کیں۔ 42سال بعد ملّاعبدالقادر کو شہید کیا گیا ہے تو حکومت پاکستان نے اسے بنگلہ دیش کا اندرونی معاملہ قرار دیکر پاکستانی مفادات پر سمجھوتا کر لیا ہے۔ وفاقی حکومت اس سلسلے میں پاکستان کے عوام کی حقیقی ترجمانی کرتے ہوئے بنگلہ دیشی حکومت سے سخت احتجاج کرنا چاہیے۔