کراچی لانڈھی میں 2 ٹرکوں میں تصادم سے 2 افراد جاں بحق 3 زخمی

پولیس نے ٹرک کو تحویل میں لے کر حادثے کی تحقیقات کا آغاز کر دیا گیا ہے۔ فوٹو؛ ایکسپریس نیوز۔

---

لانڈھی کی مانسہرہ کالونی میں 2 ٹرکوں کے آپس میں ٹکرانے کے باعث 2 افراد جاں بحق جبکہ 3 زخمی ہو گئے۔

ایکسپریس نیوز کے مطابق پولیس حکام نے بتایا کہ لانڈھی کے علاقے مانسہرہ کالونی میں ایک ٹرک روڈ پرکھڑا تھا کہ تیز رفتاری سے آتے دوسرے ٹرک نے اسے ٹکر مار دی جس کے نتیجے میں اسٹاپ پرکھڑے افراد اس کی زد میں آگئے اور 2 افراد موقع پر ہی جاں بحق اور 3 افراد زخمی ہو گئے۔ ہلاک اور زخمی ہونے والے افراد کو جناح اسپتال منتقل کردیا گیا ہے۔ پولیس حکام کا کہنا تھا کہ ٹرک کو تحویل میں لے کر حادثے کی تحقیقات کا آغاز کر دیا گیا ہے۔