نادرا ملازمین نے ساتھی کی گرفتاری پر سندھ بھر میں دفاتر بند کردیئے

KARACHI:
نادرا ملازمین نے پولیس کی جانب سے اپنے ساتھی کی گرفتاری کے خلاف سندھ بھر میں دفاتر بند کردیئے۔


ایکسپریس نیوز کے مطابق کراچی سمیت سندھ کے تمام اضلاع میں نادرا ملازمین نے اپنے ساتھی کی گرفتاری کے خلاف تمام دفاتر کو تالے لگادیئے جس کے باعث شناختی کارڈ بنوانے کے لئے آنے والے افراد کو شدید مشکلات کا سامنا کرنا پڑ رہا ہے۔

ڈی جی نادرا برگیڈیئر ریٹائرڈ زاہد حسین کا کہنا ہے کہ گزشتہ روز پولیس نے نادرا کی اسلحہ لائسنس برانچ سے ایک ملازم کو انتظامیہ کو اعتماد میں لئے بغیر بلاجواز کے گرفتار کرلیا تھا جس کے باعث یونین کی جانب سے ہڑتال کی کال دی گئی ہے۔ ان کا کہنا ہے کہ کمشنر کراچی سے اس حوالے سے بات چیت ہورہی ہے جس کے بعد دفاتر کھولنے یا نہ کھولنے کا فیصلہ کیا جائے گا۔