اینٹی کرپشن نے پنجاب بھرسے 44 شوگرملزمالکان کوریکارڈ سمیت طلب کرلیا

صوبہ بھر سے مل مالکان کے خلاف بڑی تعداد میں شکایات موصول ہو رہیں ہیں، ڈی جی اینٹی کرپشن پنجاب

---

اینٹی کرپشن پنجاب نے شوگرمل مافیا کے گرد گھیرا مزید تنگ کرتے ہوئے پنجاب بھرسے 44 شوگرملزمالکان کو ریکارڈ سمیت طلب کرلیا۔

اینٹی کرپشن نے پنجاب بھرسے 44 شوگرملزمالکان کو ریکارڈ سمیت طلب کرلیا۔ اس متعلق ڈائریکٹرجنرل اینٹی کرپشن پنجاب کا کہنا ہے کہ ظلم بھی رہے اور انصاف بھی ہوایسا ممکن نہیں، کسان کا استحصال ہرگز قبول نہیں، صوبہ بھرسے مل مالکان کے خلاف بڑی تعداد میں شکایات موصول ہو رہیں ہیں۔

ڈی جی اینٹی کرپشن پنجاب نے کہا کہ محکمہ اینٹی کرپشن کو پچھلے دو ہفتوں میں شوگر مل مالکان کے خلاف 2507 شکایات موصول ہوئیں۔ کسانوں کوحکومت کے متعین کردہ ریٹ سے کم قیمت کے حوالے سے 1363 شکایات، مل مالکان کی جانب سے ابھی تک کاشتکاروں کو رقم کی ادائیگی نہیں ہونے کے حوالے سے 641 شکایات، مل مالکان کی جانب سے گنے کی غیرقانونی کٹوتی کے حوالے سے 503 شکایات موصول ہیں۔

ڈائریکٹر جنرل اینٹی کرپشن پنجاب نے کہا کہ محکمہ اینٹی کرپشن صوبہ بھر میں گنے کے کاشتکاروں کی سہولت کے لئے کھلی کچہریوں کا اہتمام کررہا ہے، اینٹی کرپشن کسانوں کے ساتھ برسوں سے ہونے والی ہونے والی زیادتی کا ازالہ کرے گا۔