گیس بحران پروزیراعظم سے متعلق بیان پرفردوس شمیم نے معافی مانگ لی

فردوس شمیم نقوی نے گزشتہ روز میڈیا سے گفتگو کے دوران وزیراعظم کے خلاف جملہ بول دیا تھا فوٹوفائل

---

اپوزیشن لیڈر سندھ اسمبلی فردوس شمیم نقوی نے کراچی میں گیس بحران پر دئیے گئے بیان پر وزیراعظم سے مانگ لی۔

فردوس شمیم نقوی نے ٹوئٹر پر جاری بیان میں وزیراعظم اورتمام پارٹی کارکنوں سے معافی مانگتے ہوئے کہا میں کہنا چاہ رہا تھا کہ وزیراعظم سے وزیرِ توانائی اور ایس ایس جی سی کی شکایت کروں گا، میں اپنے قائد سے معذرت چاہتا ہوں جو نہایت پُرعزم انسان ہیں جن سے میں آج تک ملا ہوں۔

I would like to apologise to all INSAFIANS
My intention was to say I am going to complain about the energy minister and SSGC to the PM On hearing the recording words are not exactly conveying that.
My apologies to my leader. Who is the most committed & upright man I have met.

— Firdous Shamim Naqvi (@Fsnaqvi) September 18, 2020

واضح رہے کہ گزشتہ روز فردوس شمیم نقوی نے سوئی سدرن گیس کمپنی کے دفتر کے باہر میڈیا سے بات کرتے ہوئے کہا تھا کہ پاکستان میں چاہے حکومت (ن) لیگ کی ہو یا تحریک انصاف کی اس شہرمیں گیس کی ڈیلیوری کبھی درست نہیں ہوسکی۔

یہ بھی پڑھیں: گیس بحران پرفردوس شمیم نقوی نے وزیر اعظم کو شرم وحیا یاد دلادی

انہوں نے کہا تھا شہریوں کو گیس نہیں مل رہی، مجھے اس سے کوئی سروکار نہیں کہ کس کی حکومت ہے، وزیر اعظم صاحب بھی سنیں، وزیر توانائی عمر ایوب بھی سنیں اور ندیم بابر بھی سنیں میں شور بھی مچاؤں گا اور انھیں شرم بھی دلاؤں گا۔ کوئی شرم ہوتی ہے کوئی حیا ہوتی ہے، دو سال گزرگئے مسئلہ حل کرو۔