گوجرانوالہ میں پولیس افسر کی لڑکی سے دوران تفتیش زیادتی

متاثرہ لڑکی کے اہل خانہ کا ہمسائیوں سے جھگڑا ہوا جس پر انہوں نے تھانے میں درخواست دی تھی

---

گوجرانوالہ میں پولیس افسر نے لڑکی کو زیادتی کا نشانہ بنادیا۔

متاثرہ لڑکی کے اہل خانہ کا ہمسائیوں سے جھگڑا ہوا جس پر انہوں نے تھانے میں درخواست دی تو ایس ایچ او نے تھانے میں ان سے گالم گلوچ کی جبکہ تفتیشی افسر نے گھر آکر زیادتی کی۔

اعلیٰ پولیس افسران کی مداخلت پر متاثرہ لڑکی کی مدعیت میں اے ایس آئی مبشر کے خلاف زیادتی کا مقدمہ درج کرلیا گیا۔ مقدمے کے مطابق تھانے میں تعینات اے ایس آئی مبشر تفتیش کرنے لڑکی کے گھر گیا جہاں اس نے لڑکی سے زیادتی کی۔

ایس ایس پی آپریشن ڈاکٹرفہد نے اے ایس آئی مبشرکو معطل کرتے ہوئے کہا ہے کہ لڑکی کا میڈیکل کروارہے ہیں اور اے ایس آئی فرار ہوگیا ہے، انکوائری رپورٹ کی روشنی میں ایس ایچ او کو بھی معطل کیا جاسکتا ہے، ہم عزتوں کے رکھوالے ہیں۔