سعودی عرب کا عمرے کی ادائیگی مرحلہ وار بحال کرنے کا اعلان

نومبر میں سعودی عرب کے باہر سے آنے والے زائرین کو بھی عمرے کی اجازت دے دی جائے گی(فوٹو، فائل)

---

سعودی عرب نے 4 اکتوبر سے احتیاطی تدابیر کے ساتھ بتدریج عمرہ ادائیگی کی مرحلہ وار بحالی کا اعلان کیا ہے۔

سعودی وزارت داخلہ کے جاری کردہ اعلان کے مطابق پہلے مرحلے میں یومیہ 6 ہزار مقامی اور سعودی عرب میں مقیم غیر ملکی شہریوں کو عمرہ کرنے کی اجازت دی جائے گی۔

دوسرے مرحلے میں اگلے ماہ کی 18 تاریخ سے سعودی عرب میں مقیم 15 ہزار غیر ملکی شہریوں کو عمرے کی اجازت ہوگی۔ اسی طرح تیسرے مرحلے میں یکم نومبر سے سعودی عرب کے باہر سے آںے والوں زائرین کے لیے عمرہ بحال کردیا جائے گا۔ تیسرے مرحلے میں زائرین کی یومیہ گنجائش بڑھا کر 2 لاکھ یومیہ کردی جائے گی۔

یہ خبر بھی پڑھیے: سعودی عرب کا عمرہ کی جلد مرحلہ وار بحالی کا اعلان

واضح رہے کہ سعودی عرب میں کورونا وبا کے باعث 26 فروری سے عمرے اور مسجد نبوی کی زیارت کے لیے سعودی عرب آمد پر تاحکم ثانی عارضی پابندی عائد تھی اور رواں برس حج میں بھی سعودیہ میں مقیم صرف چند ہزار غیر ملکی تارکین وطن نے اپنے اپنے ملک کی نمائندگی کرتے ہوئے حج ادا کیا تھا۔