شین وارن کی لز ہرلے کے ساتھ عشق کی کشتی ساحل پر آکر ڈوب گئی

دونوں کے درمیان شادی سے پہلے ہی علیحدگی ہوگئی، انھوں نے آپس میں تعلقات ختم کرلیے ہیں،میڈیا رپورٹس۔ فوٹو: فائل

---

KARACHI: سابق آسٹریلوی اسپنر شین وارن کی لز ہرلے کے ساتھ عشق کی کشتی ساحل پر آکر ڈوب گئی۔

میڈیا رپورٹس میں دعویٰ کیا گیا کہ دونوں کے درمیان شادی سے پہلے ہی علیحدگی ہوگئی، انھوں نے آپس میں تعلقات ختم کرلیے ہیں۔ رپورٹس میں کہا گیاکہ وارن اور ہرلے کے درمیان کئی مسائل حائل تھے جسے وہ چاہ کر بھی ختم نہیں کرپائے، لز ہرلے نے کافی عرصے سے وارن کے نام کی انگوٹھی پہننا ہی چھوڑ دی تھی۔ اگرچہ دونوں جانب سے تعلقات ختم ہونے کی تصدیق نہیں ہوئی تاہم وارن نے ٹویٹر پر مبہم اشارے دیتے ہوئے کہا کہ '' ماضی کو ماضی میں رہنا چاہیے، اسے مستقبل کو تباہ کرنے کی اجازت نہیں دینی چاہیے'' ، انھوں نے مزیدکہا کہ '' زندگی اس کیلیے جیو جو آنے والا کل آپ کو دے رہا ہو، اس کے لیے نہیں جو کہ ماضی کا حصہ بن گیا ہو''۔ یہ بھی معلوم ہواکہ لز ہرلے کو شین وارن پر شک ہے کہ وہ اپنی سابق بیوی سیمون سے بھی رابطہ رکھے ہوئے ہیں، وہ ان کے تین بچوںکی ماں اور گھر میں آتی جاتی رہتی ہیں۔