ملک میں کورونا کے فعال کیسز کی تعداد میں اضافہ

ملک بھرمیں کورونا کے مجموعی کیسز کی تعداد 3 لاکھ 9 ہزار 015 ہوگئی

ویب ڈیسک September 25, 2020

گزشتہ 24 گھنٹوں میں کورونا کے 798نئے کیسز رپورٹ ہوئے فوٹوفائل

KARACHI: ملک بھر میں کورونا وائرس کے فعال کیسز کی تعداد 7 ہزار 831 ہوگئی جب کہ گزشتہ 24 گھنٹوں کے دوران 798 نئے کیسز کی تشخیص ہوئی ہے۔

نیشنل کمانڈ اینڈ آپریشن سینٹرکے تازہ اعداد وشمارکے مطابق گزشتہ 24 گھنٹوں میں کورونا کے 798نئے کیسز رپورٹ ہوئے جس کے بعد ملک بھرمیں مجموعی کیسز کی تعداد 3 لاکھ 9 ہزار 015 ہوگئی۔

این سی او سی کے مطابق فعال کیسز کی تعداد 7 ہزار 831 ہو گئی جب کہ اب تک کورونا وائرس میں مبتلا 2 لاکھ 94 ہزار 740 مریض صحتیاب ہوچکے ہیں۔ گزشتہ 24 گھنٹوں میں مزید7 اموات رپورٹ ہوئیں جس کے بعد مجموعی اموات کی تعداد 6 ہزار 444 ہوگئی۔

سندھ میں مریضوں کی تعداد ایک لاکھ 35 ہزار 246 ، پنجاب میں98 ہزار 864 خیبرپختونخوا 37 ہزار 525 ، اسلام آباد میں 16 ہزار 324، بلوچستان میں 14 ہزار 838 ، آزاد کشمیر 2 ہزار 610 اورگلگت بلتستان میں 3 ہزار 608 تعداد ہوگئی۔

کورونا وائرس اوراحتیاطی تدابیر

کوورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔