بنوں میں لیڈی ہیلتھ ورکروپولیوٹیم پرحملے کے واقعہ پرڈاکٹرزتنظیمیں سراپا احتجاج

بنوں کی انتظامیہ پولیو میں ڈیوٹی کرنے والے ہیلتھ ورکرز اورخواتین لیڈی ہیلتھ ورکرزکو تخفظ فراہم کرنے میں مکمل ناکام ہے، ایسوسی ایشن: فوٹو: فائل

---

داود شاہ میں لیڈی ہیلتھ ورکراورپولیوٹیم پرحملے وتشدد کے واقعہ پرڈاکٹرزتنظیمیں سراپا احتجاج ہیں۔

بنوں کے یونین کونسل داود شاہ میں لیڈی ہیلتھ ورکراورپولیو ٹیم پرحملے وتشدد کے واقعہ پرڈاکٹرز تنظیمیں سراپا احتجاج ہیں۔ اس متعلق پراونشل ڈاکٹرز ایسوسی ایشن کا کہنا ہے کہ بنوں کی انتظامیہ پولیو میں ڈیوٹی کرنے والے ہیلتھ ورکرز اورخواتین لیڈی ہیلتھ ورکرزکو تخفظ فراہم کرنے میں مکمل ناکام ہے، دودن پہلے بھی بنوں میں ایک لیڈی ہیلتھ ورکر کو پولیو کی ڈیوٹی کے دوران تشدد کا نشانہ بنایا گیا تھا۔

پراونشل ڈاکٹرز ایسوسی ایشن نے مطالبہ کیا ہے کہ صوبائی حکومت ہیلتھ ملازمین کے تخفظ کیلئے سکیورٹی ایکٹ 2017 فی الفور اسمبلی سے پاس کرائے، وزیرصحت چیف سیکٹری آئی جی خیبر پختنخوا بنوں اور وزیرستان میں پولیو کے دوران ہیلتھ ملازمین پر پر تشدد واقعات کا نوٹس لیں اورذمہ داروں کے خلاف دہشت گردی کے تحت مقدمات درج کیا جائے بصورت دیگر پولیو مہم سے مکمل بائیکاٹ کریں گے اوروزیرستان میں پولیومہم کے دوران شہید کی گئی لیڈی ہیلتھ ورکرکوشہید پیکیج کے تحت ایک کروڑ روپے شہید پیکیج دیا جائے۔