مجھے اپنے کام سے محبت ہے اس لئے میرے لئے ہر فلم اہم ہے عامر خان

جب فلم بین میری فلم کو پسند کرتے ہیں تو بہت خوشی محسوس ہوتی ہے، عامر خان ۔ فوٹو: فائل

---

لاہور: بالی ووڈ کے مسٹر پرفیکٹ عامر خان کا کہنا ہے کہ انہیں اپنے کام سے محبت ہے اس لئے ان کے لئے ہر فلم اہم ہوتی ہے اور وہ اس میں کام کے دوران اسی کے بارے میں سوچتے ہیں۔

ممبئی میں اپنی نئی فلم دھوم تھری کی تشہیری مہم کے دوران میڈیا سے بات کرتے ہوئے عامر خان کہنا تھا کہ ان کا خیال ہے کہ ہر فلم اہمیت کی حامل ہوتی ہے اور وہ تمام فلمیں جن کا وہ حصہ رہے ہیں وہ ان کے لئے یکساں اہمیت رکھتی ہیں۔ یہی وجہ ہے کہ جب وہ کسی فلم کا حصہ بنتے ہیں تو اس کے ساتھ مکمل طور پر منسلک ہوجاتے ہیں اور فلم کی ریلیز سے قبل اس کے علاوہ کچھ اور نہیں سوچتے، عامر خان کا کہنا تھا کہ انہیں اپنے کام سے محبت ہے اسی لئے جب فلم بین ان کی فلم کو پسند کرتے ہیں تو انہیں بہت خوشی محسوس ہوتی ہے۔

واضح رہے کہ عامر خان کی نئی فلم ''دھوم تھری'' جمعہ کو ریلیز ہورہی ہے جس میں ان کے مقابل کترینہ کیف ہیں جبکہ ابھیشیک بچن اور ادیتہ چوپڑا بھی اہم کردار ادا کررہے ہیں۔