ایک اور ٹوئٹ میں شہباز گل نے پنجاب حکومت سے طلال چوہدری کے علاج معالجے کا مکمل خیال رکھنے کی اپیل کی تھی(فوٹو، فائل)
انہوں نے اپنے ٹوئٹ میں کہا ہے کہ حکومت اس پر ایکشن لے گی اور عائشہ صاحبہ کی اس غنڈا گردی سے ہر صورت حفاظت کرے گی فیصل آباد پولیس کو اس پر فوری ایکشن لینا چاہیے۔ معزز رکن اسمبلی کے گھر پر پولیس سیکیورٹی تعینات کریں اور قانونی کاروائی کریں۔
یہ بھی پڑھیے:طلال چوہدری پر نامعلوم افراد کا حملہ، شدید زخمی حالت میں اسپتال منتقل
شہباز گل نے کہا کہ یہ واقعہ مسلم لیگ ن کا اصل چہرہ عوام کے سامنے لاتا ہے۔ طلال چوہدری مریم صفدر صاحبہ کے قریبی اور قابل اعتماد ساتھی ہیں۔ طلال چوہدری کی یہ حرکت مریم صفدر اور تمام مسلم لیگ ن کے لئیے قابل شرم حرکت ہے۔ ماضی میں بھی خواجہ آصف ہوں یا طلال چوہدری ، خواتین بارے یہ نازیبا کلمات کہتے رہے۔
واضح رہے اس سے قبل فیصل آباد میں سابق وزیر مملکت برائے داخلہ اور مسلم لیگ ن کے رہنما طلال چوہدری پر حملے کا واقعہ پیش آیا جس میں وہ شدید زخمی ہوگئے تھے۔ وزیر اعظم کے معاون خصوصی نے اس سے قبل لاہور کی وزیر صحت کو ٹوئٹ کے ذریعے پیغام دیا تھا کہ طلال چوہدری کے علاج معالجے اور سیکیورٹی فراہم کرنی چاہیے۔
لاہور پولیس کو طلال چوہدری کو سیکورٹی دینی چاہئیے۔ @Dr_YasminRashid صاحبہ سے درخواست ہے کہ طلال کے علاج معالجے کا خصوصی خیال کیا جائے۔ CCPO لاہور کو زاتی دلچسپی لے کر واقعے کی ایف آئی آر درج کروانی چاہئیے اور جس کا گناہ ہے اسے سزا دینی چاہئیے۔ https://t.co/lFT0XxCZ1E
— Dr. Shahbaz GiLL (@SHABAZGIL) September 25, 2020
بعدازاں کی جانے والی ٹوئٹ سے تاثر ملتا ہے کہ وزیر اعظم کے معاون خصوصی طلال چوہدری پر ہونےو الے تشدد کو مسلم لیگ ن کی رکن قومی اسمبلی کو ہراساں کرنے کے واقعے سے جوڑ رہے ہیں۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔