آئی پی ایل میں راجستھان رائلز کیخلاف میچ میں نکولس پوران نے عمدہ فیلڈنگ سے سابق اسٹارز کو بھی حیران کردیا۔

نکولس پوران نے آٹھویں اوور میں باؤنڈری کے اوپر سے فل لینتھ ڈائیو لگاتے ہوئے سنجو سیمسن کا یقینی چھکا روکا، فیلڈنگ کوچ جونٹی رہوڈز نے نشست سے اٹھ کر ویسٹ انڈین کرکٹر کو داد دی۔

سچن ٹنڈولکر نے اس پر تبصرہ کرتے ہوئے کہا کہ میں نے اپنی زندگی میں کسی کو اس انداز میں باؤنڈری روکتے ہوئے نہیں دیکھا۔