چہلم حضرت امام حسینؓ موٹر سائیکل کی ڈبل سواری پر پابندی

موٹر سائیکل کی ڈبل سواری پر پابندی نقص امن کے خدشے کے پیش نظر عائد کی گئی ہے (فوٹو: فائل)

---

محکمہ داخلہ سندھ نے چہلم حضرت امام حسینؓ کے موقع پر موٹر سائیکل کی ڈبل سواری پر پابندی عائد کردی۔

جاری کردہ نوٹی فکیشن کے مطابق 9 اکتوبر کو چہلم حضرت امام حسینؓ کے موقع پر کراچی سمیت صوبے بھر میں موٹر سائیکل کی ڈبل سواری پر پابندی ہوگی۔

نوٹی فکیشن کے مطابق قانون نافذ کرنے والے اداروں کے اہلکاروں، صحافیوں، خواتین، بزرگ اور 12 سال سے کم عمر بچوں پر پابندی کا اطلاق نہیں ہوگا، موٹر سائیکل کی ڈبل سواری پر پابندی نقص امن کے خدشے کے پیش نظر عائد کی گئی ہے۔